لاڑکانہ میں چوری کی انوکھی واردات، چور موبائل ٹاور ہی لے گئے

لاڑکانہ ضلع میں نونڈیرو کے قریب واقع گاؤں بھونبھٹ پور سے ایک حیرت انگیز چوری کا واقعہ پیش آیا ہے۔

تفصیلات کے مطابق مذکورہ گاؤں میں نامعلوم چور موبائل فون کمپنی کا ٹاور چرا کر لے گئے اور اس بات کا انکشاف اُس وقت ہوا جب گاؤں کے لوگوں کے موبائل میں سگنل نہیں آرہے تھے۔

مقامی قانون نافذ کرنے والے اہلکاروں نے اطلاع دی کہ مشتبہ افراد پورے موبائل ٹاور کو توڑ کر ساتھ لے گئے۔ اس کے علاوہ موبائل ٹاور کے ساتھ بنے کمرے کا دروازہ، جنریٹر بھی چور اپنے ساتھ لے گئے ہیں۔

پولیس نے شبہ ظاہر کیا ہے کہ چوری کی واردات میں مسلح ڈاکو ملوث تھے جنہیں مکمل معلومات تھی اور انہوں نے بہت آسانی کے ساتھ واردات کی۔ پولیس نے فوری طور پر واقعے کا درج کرلیا۔ 

ابتدائی تحقیقات میں یہ بات سامنے آئی ہے کہ موبائل ٹاور کی حفاظت کیلیے دو گارڈز تعینات تھے اور وہ واردات کے وقت موقع پر موجودگی سے انکاری ہیں۔  پولیس نے دونوں کو حراست میں لے کر پوچھ گچھ شروع کردی ہے