پاکستانی بھینس نے 24 گھنٹے میں 37 کلو دودھ پیدا کر کے عالمی ریکارڈ بنا لیا

پنجاب کے علاقے منڈی بہاؤالدین کی بھینس نے دن بھر میں سب سے زیاد37 کلوگرام دودھ دے کر عالمی ریکارڈ قائم کردیا۔

مستانی نامی بھینس کا تعلق بلیو راوی نسل سے ہے جس نے بھارتی بھینس کا 24گھنٹوں میں 32 کلو دودھ دینے کا عالمی ریکارڈ توڑا اور 37 کلو گرام دودھ پیدا کر کے گنیز بک آف ورلڈ ریکارڈ میں نام درج کرالیا۔

 گوجرانوالہ کے نجی ہوٹل میں مستانی کے اعزاز میں تقریب کا انعقاد کیا گیا۔

 ایونٹ کے منتظمین پاکستان بھینس بریڈر ایسوسی ایشن نے بھینس کے مالک افتخار احمد باگڑی کو ایک لاکھ روپے کا انعام اور ٹرافی سے بھی نوازا۔