9 ہزار صارفین کی موبائل سمز بلاک کرنے کی تصدیق

ٹیلی کام کمپنیوں نے ایف بی آر کی ہدایت پر نان فائلرز کی9  ہزار سے زیادہ  سمز بند کردی ہیں۔

فیڈرل بیورو آف ریونیو (ایف بی آر)  کے ترجمان کا کہنا ہے کہ ٹیلی فون کمپنیوں کے ساتھ گزشتہ روز اجلاس ہوا تھا جس میں ایف بی آر  نے سمز بند کرنےکے فیصلے سے موبائل کمپنیوں کو  آگاہ کیا۔ 

ترجمان کا کہنا ہے کہ نان فائلرز کی موبائل فون سمز بند کرنے کا فیصلہ پارلیمنٹ کا ہے،  حکومت کے فیصلے پر ہرحال میں عمل درآمد کرنا ہوگا۔

واضح رہے کہ ایف بی آر کی جانب سے ٹیلی کام کمپنیوں کو نان فائلرز کی تفصیلات یومیہ بنیادوں پر ارسال کی جاتی ہیں جس پر ٹیلی کام کمپنیاں عمل درآمد کر کے اس سے ایف بی آر کو آگاہ کرتی ہیں۔