آج کاروباری روز کے دوران سونے کی قیمت میں بڑا اضافہ

کراچی:آج کاروباری روز کے دوران  ملک میں سونے کی فی تولہ قیمت 2200روپے اضافے کے بعد تاریخ کی بلند ترین سطح پر پہنچ گئی۔

ذرائع کے مطابق آل پاکستان جیمز اینڈ جیولرز ایسوسی ایشن کا کہنا ہے کہ سونے کی فی تولہ قیمت 2200 روپے اضافے کے بعد  2 لاکھ 77 ہزار 200 روپے  ہوگئی ہے۔

 ملک میں 10گرام سونے  کی قیمت  1886 روپے اضافے سے 237654 روپے  ہوگئی  ہے،عالمی صرافہ میں سونے  کی قیمت  22 ڈالر اضافے سے 2675 ڈالر فی اونس ہے۔

واضح رہے کہ گزشتہ روز ملک  بھر میں سونے کی فی تولہ قیمت میں 700 روپے کی کمی آئی  تھی۔