اب اسٹیٹ بینک آف پاکستان واٹس ایپ پر بھی موجود

قومی مرکزی بینک (ایس بی یپ) نے صارفین اور عوام کی سہولت کیلیے واٹس ایپ پر چینل بنا کر سروسز کا باقاعدہ آغاز کردیا ہے۔

ترجمان اسٹیٹ بینک آف پاکستان  کے مطابق واٹس ایپ صارفین اسٹیٹ بینک کے مصدقہ واٹس ایپ چینل کو متعلقہ لنک یا کیو آر کوڈ کے ذریعے فالو کر سکتے ہیں، اسٹیٹ بینک واٹس ایپ کے ذریعے اپنے اسٹیک ہولڈرز کو مصدقہ اطلاعات سے بروقت آگاہ کرے گا۔

ترجمان کے مطابق یہ چینل ابلاغ کا ایسا ذریعہ ہوگا جس پر فالوورز کو اسٹیٹ بینک کی پالیسیوں، اقدامات، اعلامیوں اور آگاہی کی مہمات کے بارے میں اطلاعات براہِ راست موصول ہوں گی۔

واٹس ایپ کے علاوہ اسٹیٹ بینک سوشل میڈیا کے دیگر پلیٹ فارمز پر بھی موجود ہے۔