پاکستان میں ڈالرز کی بارش، اعداد و شمار سامنے آگئے

اسٹیٹ بینک آف پاکستان کے مطابق ایک ہفتے میں زرمبادلہ کے ذخائر میں تقریبا 62 کروڑ ڈالرز کا اضافہ ہوا ہے۔

تفصیلات کے مطابق اسٹیٹ بینک آف پاکستان کی جانب سے زرمبادلہ کے ذخائر کے حوالے سے ہفتہ وار رپورٹ جاری کی گئی۔

رپورٹ میں بتایا گیا ہے کہ ایشیائی ترقیاتی بینک (اے ڈی بی) اور دیگر ذرائع سے حاصل ہونے والی رقم کے بعد زرمبادلہ کے ذخائر میں مزید اضافہ ہوگیا ہے۔ایشیائی ترقیاتی بینک سے 50 کروڑ ڈالر اور دیگر آفیشل انفلوز سے زرمبادلہ کے سرکاری زخائر میں 62 کروڑ ڈالر کا اضافہ ہوگیا ہے۔

اعلامیے کے مطابق حالیہ اضافے کے بعد سرکاری ذخائر کی مالیت 12 ارب 3 کروڑ 83 لاکھ ڈالر کی سطح پر پہنچ گئی اور مجموعی ذخائر کا حجم 16 ارب 16 کروڑ ڈالر ریکارڈ کیا گیا۔

دوسری جانب کمرشل بینکوں کے پاس 4 ارب 58 کروڑ 17 لاکھ ڈالر کے ذخائر موجود ہیں۔