پیٹرول کی قیمت میں کمی کا امکان، کتنی کمی ہوگی؟

عالمی منڈی میں تیل کی قیمتوں میں مسلسل کمی کے باعث پیٹرولیم مصنوعات کی قیمتوں میں کمی کا امکان ظاہر کیا جارہا ہے۔

ذرائع کے مطابق وفاقی حکومت نے 16 دسمبر 2025 سے آئندہ 15 روز کے لیے پیٹرولیم مصنوعات سستی کرنے کا اصولی فیصلہ کر لیا ہے۔ بین الاقوامی مارکیٹ میں خام تیل کی قیمتوں میں منفی رجحان برقرار رہنے کے سبب یہ اقدام متوقع ہے۔

رپورٹ کے مطابق پیٹرول کی قیمت میں فی لیٹر 36 پیسے کمی جبکہ ہائی اسپیڈ ڈیزل کی قیمت میں فی لیٹر 11 روپے 85 پیسے تک کمی کا امکان ہے۔

پیٹرولیم مصنوعات کی نئی قیمتوں کا باضابطہ اعلان کل کیا جائے گا، جس کے بعد 15 روز کے لیے اطلاق ہوگا۔ حکومت کی جانب سے اس فیصلے سے عوام کو جزوی ریلیف ملنے کی توقع ہے۔