سونا مزید مہنگا، ہفتے کو قیمت میں ایک بار پھر بڑا اضافہ

پاکستان میں ہفتے کے روز بھی سونے کی فی تولہ قیمت میں بڑا اضافہ ریکارڈ کیا گیا ہے۔

بین الاقوامی بلین مارکیٹ میں فی اونس سونے کی قیمت 20ڈالر کے اضافے سے 2512ڈالر کی سطح پر پہنچ گئی۔ جس باعث مقامی صرافہ مارکیٹوں میں فتے کو 24 قیراط کے حامل فی تولہ سونے اور دس گرام کی قیمتوں میں اضافہ ریکارڈ کیا گیا۔

فی تولہ سونے کی قیمت 1700 روپے کے اضافے سے 263700روپے جبکہ فی دس گرام سونے کی قیمت 1457روپے کے اضافے سے 226080روپے کی سطح پر آگئی۔ 

اس کے برعکس فی تولہ چاندی کی قیمت بغیر کسی تبدیلی کے 2950روپے اور فی دس گرام چاندی کی قیمت بھی بغیر کسی تبدیلی کے 2529.14روپے کی سطح پر مستحکم رہی۔