سونا ریکارڈ اضافے کے بعد کم ہوگیا

پاکستان میں سونے کی قیمت تاریخ کی ریکارڈ سطح پر پہنچنے کے بعد ایک بار پھر کم ہوگئی ہے۔

بین الاقومی بلین مارکیٹ میں ٹریڈنگ کے دوران  فی اونس سونے کی قیمت میں 8 ڈالر کی کمی ہوئی جس کے بعد قیمت 2515 ڈالر کی سطح پر پہنچ گئی۔

عالمی مارکیٹ میں کمی کے مثبت اثرات مقامی صرافہ بازاروں پر نظر آئے اور جمعرات کو مقامی سطح پر فی تولہ سونے کی قیمت 1 ہزار روپے کم ہوئی جسکے بعد فی تولہ قیمت 2 لاکھ 63 ہزار کی سطح پر پہنچ گئی۔

 اسی طرح فی 10 گرام سونے کی قیمت 857روپے کی کمی سے 225480 روپے کی سطح پر آگئی۔

اس کے برعکس فی تولہ چاندی کی قیمت بغیر کسی تبدیلی کے 2900روپے اور فی 10 گرام چاندی کی قیمت      2486.28 روپے پر مستحکم رہی۔