سونے کی فی تولہ قیمت میں بڑی کمی

پاکستان میں ہفتے کے آخری روز سونے کی قیمت میں بڑی کمی ہوئی ہے۔

بین الاقوامی بلین مارکیٹ میں فی اونس سونے کی قیمت 70 ڈالر کی کمی سے 2292 ڈالر کی سطح پر آ گئی۔

عالمی مارکیٹ میں کمی کے باعث مقامی صرافہ بازاروں میں بھی ہفتے فی تولہ سونے کی قیمت 3600 روپے کی کمی سے 239400روپے ہوئی۔

اسی طرح فی 10 گرام سونے کی قیمت بھی 3086روپے کی کمی سے 205247 روپے کی سطح پر آگئی۔

دوسری جانب فی تولہ چاندی کی قیمت پچاس روپے کمی سے 2750 جبکہ دس گرام کی قیمت 42.86 روپے کمی سے 2357.68 پر پہنچ گئی۔