سونے کی قیمت میں ہزاروں روپے کا بڑا اضافہ

عالمی مارکیٹ میں سونے کی قیمت میں یک دم بیس ڈالر اضافے کے باعث مقامی صرافہ بازاروں مین بڑے پیمانے پر قیمت میں اضافہ دیکھا گیا۔

بلین مارکیٹ میں بدھ کے روز فی اونس سونے کی قیمت 20ڈالر کے اضافے سے 2105ڈالر کی سطح پر پہنچنے کے باعث مقامی صرافہ مارکیٹوں میں بھی جمعرات کو 24قیراط  سونے کی فی تولہ قیمت میں 2200 روپے کا بڑا اضافہ ریکارڈ کیا گیا۔

حالیہ اضافے کے بعد فی تولہ سونے کی قیمت 2 لاکھ 22 ہزار 800 جبکہ دس گرام کی قیمت 1886 روپے کے اضافے کے ساتھ 1 لاکھ 91 ہزار 105 روپے کی سطح پر پہنچ گئی۔

اسکے برعکس فی تولہ چاندی کی قیمت بغیر کسی تبدیلی کے 2680روپے اور فی دس گرام چاندی کی قیمت بھی بغیر کسی تبدیلی کے 2297.66روپے پر مستحکم رہی۔