بھارتی قیدی کی ڈسٹرکٹ جیل ملیر میں خودکشی

کراچی: ڈسٹرکٹ جیل ملیر میں بھارتی قیدی گورو ولد رام آنند نے اپنی زندگی کا خاتمہ کرلیا۔

جیل انتظامیہ کا اس حوالے سے کہنا ہے کہ بھارتی قیدی جیل کے واش روم میں گیا اور پھندا لگا کر خودکشی کی، ملزم کو 17 فروری 2022 کو جیل منتقل کیا گیا تھا۔

انتظامیہ کے مطابق مرنے والے قیدی کی لاش سہراب گوٹھ پر واقع سرد خانے منتقل کردی گئی ہے اور واقعے کے حوالے سے مزید معلومات حاصل کی جارہی ہیں۔

 سپرنٹنڈنٹ ڈسٹرکٹ جیل ملیر کے مطابق خودکشی کا واقعہ 24 اور 25 مارچ کی درمیانی شب پیش آیا، جیل کے ڈاکٹر ز سے موت کی تصدیق کے بعد لاش کو اسپتال روانہ کردیا۔

سپرنٹنڈنٹ ارشد شاہ کے مطابق مجسٹریٹ کی زیر نگرانی لاش کا پوسٹ مارٹم کیا جائیگا۔

جیل سپرنٹنڈنٹ کے مطابق گورو کی دستاویزات اور قومیت سے متعلق قونصلیٹ کے ساتھ مشاورت جاری تھی، گورو کو دیگربھارتی قیدیوں کے ساتھ رکھا گیا تھا، ملزم بہت کم گفتگو کرتا تھا۔