چیمپئنز ٹرافی کے حتمی شیڈول کا اعلان، میچ کہاں ہوں گے، ساری تفصیلات سامنے آگئیں

انٹرنیشنل کرکٹ کونسل (آئی سی سی) کی جانب سے چیمپئنز ٹرافی کے شیڈول کا اعلان کر دیا گیا ہے۔

رپورٹس کے مطابق آئی سی سی چیمپئنز ٹرافی کا افتتاحی میچ 19 فروری کو کراچی میں ہوگا جبکہ 9مارچ تک چیمپئنز ٹرافی جاری رہے گی۔

چیمپئنز ٹرافی کے میچز کراچی، لاہور، راولپنڈی اور دبئی میں کھیلیں جائیں گے اور تمام میچز ڈے اینڈ نائٹ ہوں گے۔ بھارتی ٹیم اپنے سارے میچز نیوٹرل وینیو دبئی میں کھیلے گی۔چیمپئنز ٹرافی میں 8 ممالک کے درمیان 15 میچز کھیلے جائیں گے۔  

گروپ اے میں پاکستان بھارت، نیوزی لینڈ اور بنگلادیش شامل ہیں۔

 گروپ بی میں جنوبی افریقا، آسٹریلیا، افغانستان اور انگلینڈ شامل ہیں۔

آئی سی سی کا جاری کردہ چیمپئنز ٹرافی کا شیڈول:

19 فروری: کراچی میں پہلا میچ پاکستان اور نیوزی لینڈ

20 فروری: بنگلادیش بمقابلہ بھارت دبئی میں ہوگا

21 فروری: افغانستان بمقابلہ جنوبی افریقا کراچی میں ہوگا

22 فروری: آسٹریلیا بمقابلہ انگلینڈ لاہور میں ہوگا

23 فروری: پاکستان بمقابلہ بھارت دبئی میں ہوگا

24 فروری: بنگلادیش بمقابلہ نیوزی لینڈ پنڈی میں ہوگا

25 فروری: آسٹریلیا بمقابلہ جنوبی افریقا پنڈی میں ہوگا

26 فروری: افغانستان بمقابلہ انگلینڈ لاہور میں ہوگا

27 فروری: پاکستان بمقابلہ بنگلادیش پنڈی میں ہوگا

28 فروری: افغانستان بمقابلہ آسٹریلیا لاہورمیں ہوگا

یکم مارچ: جنوبی افریقا بمقابلہ انگلینڈ کراچی میں ہوگا

2 مارچ: بھارت بمقابلہ نیوزی لینڈ دبئی میں ہوگا

4 مارچ: پہلا سیمی فائنل دبئی میں ہوگا

5 مارچ: دوسرا سیمی فائنل لاہور میں ہوگا

9 مارچ: فائنل لاہور میں ہوگا ، اگر بھارت فائنل میں پہنچتا ہے تو فائنل دبئی میں ہوگا۔

10ماچ: ریزرو ڈے