اداکار اعجاز اسلم کی والدہ منوں مٹی تلے آسودہ خاک

لاہور: پاکستان کے معروف اداکار اعجاز اسلم کی والدہ کو سپرد خاک کردیا گیا۔

اداکار نے ایک روز قبل سوشل میڈیا پر پر والدہ کی یادگار تصویر شیئر کی ہے جس میں انہیں ہسپتال کے سفید لباس میں ملبوس دیکھایا گیا ۔

انہوں نے کیپشن میں لکھا ہے کہ میری پیاری والدہ اس جہاں کو چھوڑ کر بہتر جہاں میں چلی گئی ں۔اداکار نے لکھا ہے کہ والدہ کی مہربانی، محبت اور حکمت ہمیشہ میرے دل میں رہے گی، جیسے ان کے جانے کا غم ہمارے قلب میں تازہ رہے گا۔

اعجاز اسلم نے اپنے چاہنے والوں سے دعائوں کی درخواست کرتے ہوئے یہ بھی لکھا ہے کہ میں آپ سب سے درخواست کرتا ہوں کہ انہیں اپنی قیمتی دعائوں میں یاد رکھیں۔

سوشل میڈیا پر اداکار کے مداحوں، انڈسٹری سے وابستہ ساتھی فنکاروں نے غم میں برابر کے شریک ہونے کا اظہار کرتے ہوئے ان کی والدہ کی مغفرت کیلئے دعاء کی ہے۔

اعجاز اسلم کی والدہ کو لاہور میں آہوں سسکیوں کے ساتھ سپرد خاک کردیا گیا ہے۔