پاک آرمی مردوں کی ٹیم کے بعد کاکول میں وومنز کرکٹرز کو تربیت دے گی

پاکستان آرمی کاکول کے آرمی سکول آف فزیکل ٹریننگ (ASPT) میں خواتین کرکٹرز کے لیے فٹنس ٹریننگ کیمپ کے انعقاد کے لیے تیار ہے۔

ذرائع کے مطابق یہ فیصلہ ویسٹ انڈیز کے خلاف حال ہی میں ختم ہونے والی ون ڈے سیریز اور جاری ٹی ٹوئنٹی سیریز میں ویمن گرین شرٹس کی ناقص کارکردگی کے بعد کیا گیا ہے۔

ذرائع نے بتایا کہ ایک ماہ کا فٹنس کیمپ رواں سال جون میں اے ایس پی ٹی میں شروع ہوگا۔

فٹنس اینڈ سکل کیمپ کے نام سے منعقد ہونے والے سیشن میں ایک وقت میں 15 کرکٹرز کو تربیت دی جائے گی۔

اس سے قبل، پاکستان کرکٹ بورڈ (پی سی بی)نے پاکستانی ٹیم کے لیے پاکستانی فوج کے تعاون سے فٹنس کیمپ کا انعقاد کیا تھا تاکہ کھلاڑیوں کو آئندہ سیریز اور ٹورنامنٹس کے لیے تیار کیا جا سکے، جس میں نیوزی لینڈ کے خلاف ہوم ٹی ٹوئنٹی سیریز، آئرلینڈ اور انگلینڈ کے خلاف ٹی ٹوئنٹی سیریز شامل ہیں۔

کرکٹ باڈی کا ایک بیان میں کہنا تھا کہ اس کیمپ کا مقصد ٹیم کی تعمیر پر مرکوز تھا اور اس کا مقصد کھلاڑیوں کی جسمانی اور ذہنی طاقت کو بڑھانا تھا، اس بات کو یقینی بنانا کہ وہ آنے والے چیلنجوں کا مقابلہ کرنے کے لیے پوری طرح تیار ہوں۔