شام کا نئے ایئر پورٹ اور میٹرو سسٹم سمیت 12 نئے منصوبوں کا اعلان

دمشق: شام میں سرمایہ کاری کے لیے بروئے کار ادارے شامی سرمایہ کاری اتھارٹی نے 12 بڑے ترقیاتی منصوبوں کااعلان کیا ہے۔

عرب ٹی وی کے مطابق ان نئے منصوبوں پر مجموعی طور 14 ارب ڈالر کی خطیر رقم خرچ ہو گی۔سرمایہ کاری اتھارٹی کی طرف سے اعلان کردہ منصوبوں میں ایک نئے اور جدید تر ایئر پورٹ کی تعمیر کے علاوہ دارالحکومت دمشق میں میٹرو سسٹم کی تعمیر بھی کی جائے گی۔

ان دو سب سے بڑے منصوبوں پر بالترتیب چار ارب ڈالر اور دو ارب ڈالر لاگت آئے گی۔ھیتہ التحریر الشام نے پچھلے سال آٹھ دسمبر کو بشار الاسد رجیم کا تختہ الٹ کر اقتدار پر قبضہ کیا تھا۔

 جس کے بعد شام کو خانہ جنگی کے اثرات سے نکالنے کی کوشش جاری ہیں۔ ھیتہ التحریر الشام کی حکومت آنے کے بعد شام پر ایک عرصے سے جاری اقتصادی پابندیاں بھی اٹھائی جارہی ہیں ۔

عرب دنیا کے علاوہ یورپ اور امریکہ نے بھی نئی شامی حکومت کے ساتھ تعلقات کی بحالی کے علاوہ اسے ہر طرح کے تعاون کی یقین دہانیاں کرائی ہیں۔