اسرائیل کے معاملے میں قائد اعظم کی رائے سے اختلاف کفر نہیں ہے، انوار الحق کاکڑ

نگراں وزیراعظم اعظم انوار الحق کاکڑ نے کہا ہے کہ اسرائیل اور فلسطین کے معاملے میں قائد اعظم کی رائے سے اختلاف کفر نہیں ہے۔

نجی ٹی وی کو دیے گئے انٹرویو میں انوار الحق کاکڑ نے کہا کہ مسئلہ فلسطین کے دو ریاستی حل کی بات پوری دنیا کررہی ہے، اگر کسی کے پاس جنگ یا مذاکرات کسی صورت میں ایک ریاستی حل کا تصور ہے تو وہ پیش کردے۔

قائد اعظم کی اسرائیل سے متعلق سوچ پر نگراں وزیراعظم نے کہا کہ جس وقت قائد اعظم نے یہ بات یا مؤقف دیا وہ اُس وقت کی صورت حال تھی اور یہ بات کوئی الہامی نہیں جس سے اختلاف کیا جائے اور نہ ہی اختلاف کفر کے زمرے میں آتا ہے۔

انوار الحق کاکڑ نے کہا کہ اگر پاکستان کی پارلیمان اور تمام سیاسی جماعتیں اور انٹیلی جنس ایجنسیاں سوچ بچار کرکے  قائداعظم  کی رائے سے مختلف نتیجے پر پہنچتی ہیں تو یہ کفر نہیں ہے  تاہم اس پر بحث ہوسکتی ہے کہ یہ ہونا چاہیے یا نہیں ۔

بلی تھیلے سے باہر آ گئی!!

نگران حکومت کا آصل ایجنڈہ اور عمران خان کو کیوں ہٹایا—-اصل ایجنڈہ سامنے آ گیا؟

pic.twitter.com/R7HkYteuHn

— M Azhar Siddique (@AzharSiddique) December 13, 2023

انہوں نے کہا کہ فلسطین اور اسرائیل کے معاملے پر سب سے پہلے رائے یا فیصلے کا حق اُن لوگوں کا ہے جن کے بچے شہید ہوئے ہیں۔