اونٹ کے بعد گدھے کی بھی ٹانگ توڑ دی گئی، ملزم گرفتار

حیدرآباد میں تشدد کرکے گدھے کی ٹانگ توڑ دینے والے شخص کو پولیس نے حراست میں لے کر مقدمہ درج کرلیا ہے۔

ذرائع کے مطابق ملزم خود بھی گدھا گاڑی چلاتا ہے،گزشتہ روز ملزم نے ایک دوسری گاڑی کے گدھے پر تشدد کرکے اس کی ٹانگ توڑ دی تھی۔

پولیس کا کہنا ہے کہ ملزم کا گدھا اور سڑک پر موجود دوسری گاڑی کا گدھا لڑ پڑے تھے۔

بے رحم ملزم نے گدھوں کی لڑائی پر دوسری گاڑی کے گدھے پرڈنڈے برسا دیے جس سے گدھے کی ٹانگ ٹوٹ گئی۔