علی ظفر کا عطا اللہ عیسی خیلوی کے ساتھ سرائیکی گانا ریلیز

معروف پاکستانی گلوکار علی ظفر نے لوک گلوکار عطا اللہ عیسیٰ خیلوی کے ساتھ اپنا پہلا سرائیکی گانا ریلیز کردیا جسے مداحوں نے بہت پسند کیا ہے۔

علی ظفر نے اس گانے کو ’بالو بتیاں‘ کا نام دیا اور ویڈیو سوشل میڈیا پر شیئر کی۔ انہوں نے عطا اللہ خان عیسیٰ خیلوی کو سرائیکی کا لیجنڈ گلوکار قرار دیتے ہوئے کہا کہ سرائیکی زبان میں گانا گا کر اس کی ثقافت کو اجاگر کرنے کا اعزاز صرف عطا اللہ کے پاس ہے اور کوئی دوسرا یہ کام نہیں کرسکتا۔

گلوکار نے عطاء اللہ خان عیسیٰ خیلوی کو راک اسٹار قرار دیتے ہوئے لکھا کہ عطا اللہ عیسیٰ خیلوی نے سات زبانوں میں 50 ہزار سے زیادہ گانے ریکارڈ کیے اور سب سے زیادہ آڈیو البمز ریلیز کرنے کا گنیز ورلڈ ریکارڈ اپنے نام کیا، یہ ریکارڈ 1994 میں قائم کیا گیا تھا‘۔

BALO BATIYAN - Ali Zafar X Atta Ullah Khan Esakhelvi