آج کل کے نوجوانوں میں سیکھنے کی جستجو نہیں، صبا فیصل

کراچی: ملک کی معروف سینئر اداکارہ صبا فیصل نے کہا ہے کہ آج کل نوجوان سیکھنے کی جستجو نہیں رکھتے اور ہر کوئی خود کو عقلِ کل سمجھتا ہے۔

صبا فیصل نے سرکاری ٹی وی چینل کے پروگرام میں بطور مہمان شرکت کی جہاں انہوں نے مختلف موضوعات پر کھل کر بات کی۔

اُنہوں نے کہا کہ آج کل سکھانے کا رواج نہیں ہے تو سیکھنے کی بھی جستجو نہیں ہے کیونکہ ہر کوئی سمجھتا ہے کہ میں عقلِ کل ہوں اور مجھے سب آتا ہے۔

ہم جب اپنی شوٹنگ کے سیٹ پر جاتے ہیں تو نئے اداکار آتے ہیں ہم ان سے بہت محتاط رہتے ہیں کہ اگر ہم نے انہیں کچھ بتایا تو شاید ہمیں آگے سے جواب مل سکتا ہے۔

پی ٹی وی کے سنہرے دور کو یاد کرتے ہوئے صبا فیصل نے کہا کہ جب ہم پی ٹی وی میں تھے تو ہمارے سینئرز ہمیں سکھاتے تھے اور بار بار ریہرسل کرواتے تھے۔

اُنہوں نے کہا کہ نئے اداکار اچھا کام کررہے ہیں لیکن کچھ اداکار ایسے ہوتے ہیں جنہیں ہم چاہتے ہیں کہ فٹ ورک جیسی بنیادی چیزیں بتادیں۔