بچپن سے دماغی بیماری میں مبتلا تھی، بیٹی کے ساتھ وقت گزار کر اچھا لگتا ہے، عالیہ بھٹ

بالی ووڈ کی مشہور اداکارہ عالیہ بھٹ نے دماغی مرض میں مبتلا ہونے کا انکشاف کرتے ہوئے بتایا ہے کہ انہیں اس بیماری کا احساس بچپن سے ہی ہوگیا تھا۔

اپنی نئی فلم جگرا کی تشہیر کے حوالے سے دیے گئے انٹرویو میں عالیہ بھٹ نے بیماری سے متعلق گفتگو کی اور بتایا کہ مجھے بچپن میں محسوس ہوگیاتھا کہ دوستوں سے بات کرتے کرتے کہیں اور کھو جاتی ہوں، اس وجہ سے میں نے نفسیاتی ٹیسٹ کرایا تو مجھے اے ڈی ایچ ڈی کی تشخیص ہوئی۔

عالیہ کے مطابق انہوں نے جب اپنی دوستوں کو بتایا تو دوستوں نے کہا کہ وہ پہلے ہی اس بات سے واقف تھیں کہ انہیں کوئی بیماری ہے۔

اداکارہ نے بتایا کہ اب وہ اپنی بیٹی کے ساتھ وقت گزار کر بہت خوش رہتی ہیں اور انہیں کسی بھی قسم کی شکایت نہیں ہوتی اور ان لمحات کو وہ سب سے زیادہ حسین سمجھتی ہیں۔