بیرون ملک سفر سے روک دیا گیا، انور مقصود کا انکشاف

معروف مزاح نگار اور رائٹر انور مقصود نے  انکشاف کیا ہے کہ انہیں بیرون ملک سفر سے روکا گیا تھا۔

انور مقصود کی ایک ویڈیو سوشل میڈیا پر وائرل ہورہی ہے جس میں انہوں نے انکشاف کیا کہ وہ دبئی میں جشن ریختہ میں شرکت کیلیے روانہ ہوئے تو انہیں بیرون ملک سفر کرنے سے روک دیا گیا۔

انور مقصود نے سفری پابندی کی وجوہات تو بیان نہیں کیں تاہم اسی ویڈیو میں تذکرہ کیا کہ میرا ایک تھیٹر ’ہاؤس اریسٹ‘ آرٹس کونسل میں پیش ہونا تھا اُسے بھی رکوایا گیا ہے۔

مزاح نگار نے کہا کہ ڈرامے کا عنوان حالیہ صورت حال سے متعلق نہیں تھا بلکہ اس میں کچھ اور دکھایا گیا تھا۔

ویڈیو کے آن لائن منظر عام پر آنے کے بعد نہ تو انور مقصود اور نہ ہی ان کے بیٹے بلال مقصود نے ان کے بیان کے حوالے سے کوئی وضاحت بھی جاری کی ہے۔