کینسر کی تکلیف نے اداکارہ کو اللہ یاد کروادیا

کینسر سے متاثر ہونے والی اداکارہ کو سرطان کے علاج کی تکلیف اور شدت کے بعد اللہ یاد آگیا۔

چھاتی کے تیسرے اسٹیج کے کینسر میں مبتلا ہونے والی اداکار حنا خان نے سوشل میڈیا پر جذباتی پوسٹ شیئر کی اور اُس میں اللہ سے اپنی صحت یابی کی دعا کی ہے۔

حنا خان کی انسٹاگرام اسٹوری پر شیئر کی گئی پوسٹ میں لکھا تھا کہ اللہ کے علاوہ کوئی بھی درد، تکلیف اور مشکل سے نہیں نکال سکتا۔

اداکارہ نے اس پوسٹ کو شیئر کرتے ہوئے لکھا کہ اے اللہ میری آپ سے درخواست ہے کہ میری مدد فرمائیں۔ انہوں نے اس کے ساتھ ایموشنل ایموجی بھی بنا کر شیئر کیا۔

واضح رہے کہ چند روز قبل حنا خان نے کینسر کی تشخیص کے حوالے سے مداحوں کو آگاہ کیا تھا، پھر اُس کے بعد اُن کی کیموتھراپی بھی ہوئی جس کے لیے انہوں نے اپنے بال بھی کٹوا لیے تھے۔

حنا خان کی انسٹاگرام اسٹوری سے واضح ہورہا ہے کہ اداکارہ کینسر کے علاج کے دوران شدید تکلیف میں ہیں۔