اداکارہ کبری خان کا اصل نام کیا ہے؟ حیران کن انکشاف

پاکستانی شوبز انڈسٹری کی معروف اداکارہ کبریٰ خان نے اپنا اصل نام سب کو بتادیا جس پر سننے والے حیران رہ گئے۔

ایک انٹرویو میں کبری خان نے انکشاف کیا کہ اُن کا نام کبری خان ہے مگر پاسپورٹ پر نام ’رابعہ خان‘ درج ہے۔

انہوں نے مزید گفتگو کرتے ہوئے کہا کہ لوگ سمجھتے ہیں کہ شاید فنکار برادری مذہب سے دور ہوتی ہے۔ 

کبری خان نے نہ صرف دعاؤں کی اہمیت کے بارے میں کھل کر بات کی اور یہ بھی بتایا کہ وہ کس طرح بہترین پروجیکٹس کا انتخاب کرنے اور مداحوں سے ملنے والی محبتوں پر اللہ کا شکر بجا لاتی ہیں۔ 

انہوں نے کہا کہ لوگ سمجھتے ہیں کہ اگر آپ اداکار ہیں تو آپ مذہب سے بہت دور ہوں گے مگر اس بات میں کوئی حقیقت نہیں ہے۔ نامور اداکارہ نے اس بارے میں بھی بات کی کہ کس طرح اداکاروں کو ہمیشہ مذہب سے دور سمجھا جاتا ہے۔ 

اداکارہ کا کہنا تھا کہ جب میں عمرہ کر کے واپس آئی تو شوبز انڈسٹری سے تعلق رکھنے والی ایک خاتون نے کمنٹس پاس کیا کہ کیسے لوگ عمرے پر جا رہے ہیں، میں تبصرے پر اس لیے حیران ہوئی کہ اُس خاتون کا تعلق اسی انڈسٹری سے تھا۔