معروف گلوکار مبینہ طور پر منشیات کے اضافی استعمال کی وجہ سے گھر میں مر گئے

کوریا کے معروف پاپ اسٹار چو وہیسنگ 43 سال کی عمر میں مبینہ طور پر منشیات کے زیادہ استعمال کر کے دل کا دورہ پڑنے سے انتقال کرگئے۔

میڈیا رپورٹس کے مطابق کورین سنگر اور نغمہ نفار چو وہیسنگ گزشتہ شام جنوبی کوریا کے شہر سیئول میں موجود اپنے اپارٹمنٹ میں مردہ حالت میں پائے گئے۔

دی کوریا ٹائمز کے مطابق پاپ اسٹار وہیسنگ کی گزشتہ شام اپنے منیجر سے میٹنگ تھی لیکن وہ اس میٹنگ میں شریک نہ ہوسکے۔ گلوکار کی والدہ جب ان کو دیکھنے گئیں تو انہوں نے بے ہوش پایا جس کے بعد اسپتال لے جانے پر ان کی موت کی تصدیق ہوگئی۔

ڈاکٹر نے شک ظاہر کیا ہے کہ مبینہ طور پر گلوکار کی موت منشیات کے زیادہ استعمال کیوجہ سے ہوئی ہے۔