’آپ کے شوہر بھی‘ : تابش ہاشمی کو اداکارہ کے ساتھ ذومعنی گفتگو مہنگی پڑ گئی
Webdesk
|
23 Feb 2024
معروف اسٹینڈ اپ کامیڈین اور ٹی وی شو کے میزبان نے تابش ہاشمی نے نیشنل ٹیلی ویژن کے ایک شو میں اداکارہ مریم نفیس سے ذو معنی گفتگو کی جس پر انہیں شدید تنقید کا نشانہ بنایا جارہا ہے۔
تابش ہاشمی نے نجی ٹی وی شو میں بطور مہمان آنے والی اداکارہ مریم نفیس جبار سے پی ایس ایل کی ٹیموں کی پسندیدگی کے حوالے سے سوال کیا۔
مریم نفیس جبار نے جواب دیتے ہوئے بتایا کہ انہیں سب سے زیادہ ملتان اور پھر پشاور زلمی جبکہ سب سے آخر میں کراچی پسند ہے۔
تابش ہاشمی کے استفسار پر اداکارہ نے کہا کہ ’وہ (کراچی کنگز والے) کبھی پرفارم نہیں کرتے‘۔ اس پر تابش ہاشمی نے مریم نفیس جبار سے کہا کہ آپ کے شوہر بھی کراچی سے ہیں کیا وہ بھی کبھی پرفارم نہیں کرتے؟۔
تابش کے اس جملے پر اسٹوڈیو میں بیٹھے لوگوں نے تو تالیاں بجائیں تاہم سوشل میڈیا صارفین نے اس کلپ کو شیئر کرتے ہوئے کامیڈین کو تنقید کا نشانہ بنایا اور انہیں اخلاقی و معاشرتی اقدار میں رہتے ہوئے پروگرام کرنے کا مشورہ دیا۔
Comments
0 comment