رمضان میں ڈانس، اداکارہ حنا بیات تنقید کرنے والوں پر برس پڑی، رقص کا دفاع

اداکارہ حنا خواجہ بیات نے رمضان المبارک میں وائرل ہونے والی اپنی ڈانس ویڈیو پر ہونے والی تنقید کا جواب دیتے ہوئے اس کا دفاع کیا ہے۔

اداکارہ نے تنقیدکا دیتے ہوئے کہا ہے کہ انہوں نے خوشی بانٹنے کے لیے رقص کیا۔ ایک انسٹاگرام پوسٹ میں انہوں نے بتایا کہ لندن میں ایک موسیقار نے انہیں پہچان کر بالی ووڈ کے گانے پر رقص کی دعوت دی، جسے انہوں نے قبول کیا۔

حنا خواجہ بیات نے کہا کہ وہ جانتی ہیں کہ فنکاروں کی حوصلہ افزائی کتنی اہم ہے، اور انہوں نے صرف اسی جذبے کے تحت رقص کیا۔

انہوں نے کہا کہ خوشیاں بانٹنے سے بڑھتی ہیں، اور جو لوگ یہ نہیں سمجھتے وہ ہمیشہ پریشان رہتے ہیں۔

واضح رہے کہ اداکارہ کی لندن میں سڑک پر رقص کرنے کی ویڈیو رمضان المبارک کے دوران وائرل ہوئی جس پر صارفین نے حنا خواجہ بیات کو شدید تنقید کا نشانہ بنایا تھا۔

صارفین کا کہنا تھا کہ اداکارہ کو رمضان المبارک کا احترام کرتے ہوئے ڈانس کرنے یا موسیقی سے گریز کرنا چاہیے مگر انہوں نے عادت سے مجبور ہوکر نہیں کیا۔