سب سے زیادہ میری ہی فلمیں دیکھی جاتی ہیں، ہمایوں سعید

معروف پاکستانی اداکار ہمایوں سعید نے دعویٰ کیا ہے کہ تنقید کے باوجود سب سے زیادہ اُن کی ہی فلمیں دیکھی جاتی ہیں۔

نجی ٹی وی کے مارننگ شو میں گفتگو کرتے ہوئے ہمایوں سعید نے کہا کہ مجھ پر جتنی مرضی تنقید کرلیں مگر اس کے باوجود پاکستان میں بننے والی فلموں میں لوگ میری فلم زیادہ دیکھتے ہیں۔

انہوں نے اپنے ناقدین کی طرف متوجہ ہوتے ہئے کہا کہ ’میرا خیال ہے کہ ہمارے یہاں ہر اُس شخص کو تنقید کا نشانہ بنایا جاتا اور تنازعات میں پھنسایا جاتا ہےجو کامیاب ہو، یہ سب کرنے کا مقصد شہرت کو کم کرنا ہوتا ہے۔

انہوں نے ناقدین کو مخاطب کرتے ہوئے کہا کہ ہمیشہ نیچے درجے کے لوگ ہی تنقید کرتے نظر آتے ہیں۔

ہمایوں سعید نے کہا کہ اگر کسی اداکار پر تنقید نہیں ہوتی تو اُس کو خود پر غور کرنا چاہیے کیونکہ میرے نزدیک اُس کے کام میں خامی ہے جب ہی لوگ کچھ نہیں کہہ رہے ہوتے۔