شفقت امانت علی چاہت فتح علی کو وائرل کرنے والوں پر برس پڑے

معروف کلاسیکل گلوکار شفقت امانت علی نے چاہت فتح علی کے بارے میں کھل کر اپنے تحفظات کا اظہار کیا اور انہیں وائرل کرنے والوں کو آڑے ہاتھوں لے لیا۔

چاہت فتح علی کے بارے میں حالیہ شو میں بات کرتے ہوئے شفقت امانت علی کا کہنا تھا کہ مجھے بہت افسوس ہوتا ہے انہیں دیکھ کر کیونکہ ہم نے مذاق مذاق میں اپنے گلوکاروں کا مذاق اڑانے والوں کو مشہور کردیا گیا ہے۔ 

انہوں نے کہا کہ اس میں قصور چاہت فتح علی سے زیادہ عوام کا ہے کیونکہ ہمارے لوگ تماش بین بن گئے ہیں، سب کو تماشا چاہیے! 

ان کا کہنا ہے کہ اس سب کا خمیازہ ہمارے بچے بگھتیں گے کیونکہ ہم ان کے لئے ایسی مثالیں چھوڑ کر جا رہے ہیں، بچے انھیں مثالوں کو ٹارگٹ بنا کر یہی سب حاصل کرنے کی کوشش کریں گے!