اشنا شاہ نے عمرہ ادا کرلیا، مظلوم فلسطینوں کی آزادی کیلیے دعا

فلسطین کے معاملے پر اسرائیلی بربریت اور مظلوموں کو کھل کر حمایت کرنے والی پاکستانی اداکارہ اشنا شاہ نے اپنے خاوند کے ہمراہ عمرے کی سعادت حاصل کرلی۔

اداکارہ نے عمرہ ادائیگی کی خبر سماجی رابطے کی سائٹ انسٹاگرام پر مداحوں کے ساتھ شیئر کی اور بتایا کہ وہ یہ سعادت حاصل کرنے پر انتہائی خوش ہیں۔

اداکارہ نے اس موقع پر فلسطینیوں کیلیے دعا کی اور لکھا کہ انہیں اپنی دعاؤں میں یاد رکھیں کیونکہ وہ 75 سال سے نسل پرستی اور وحشیانہ نسل کشی کا سامنا کررہے ہیں، اللہ انہیں جلد آزادی دے‘۔

اشنا نے بتایا کہ اُن کے شوہر حمزہ امین نے پہلی بار عمرے کی سعادت حاصل کی ہے اس پر اداکارہ نے اپنے خاوند کو خصوصی مبارک باد بھی دی۔