شوہر کی اجازت سے سابق بوائے فرینڈ سے اب تک بات کرتی ہوں، اداکارہ مریم نفیس

پاکستانی اداکارہ مریم نفیس نے انکشاف کیا ہے کہ وہ شادی کے بعد بھی سابق بوائے فرینڈ کے ساتھ رابطے میں ہیں اور اس با ت کا اعلم اُن کے شوہر کو بھی ہے۔

حال ہی میں مریم نفیس نے ایک پوڈ کاسٹ میں شرکت کی اور کیریئر سمیت زندگی کے مختلف پہلوؤں پر کھل کر گفتگو کی۔ انہوں نے انکشاف کیا کہ شوہر کی اجازت کے بعد وہ اب تک اپنے سابق بوائے فرینڈ کے ساتھ رابطے میں ہیں اور کبھی کبھار بات بھی کرتی ہیں۔

انہوں نے کہا کہ میاں بیوی کے درمیان جو رشتہ ہے اُس میں ریڈ فلیگ نہیں ہوتا، ریڈ فلیگ یہ ہوتا ہے کہ شوہر یا بیوی کوئی بات چھپائے یا کوئی ایسا کام ہو جو وہ کررہا ہو پر تذکرہ نہ کرے۔

مریم نفیس نے کہا کہ میرے سابق بوائے فرینڈ سے قریبی تعلقات ہیں اور اُس کی بہن میری بہت اچھی دوست ہے جبکہ ہمارا ایک دوسرے کے گھر آنا جانا بھی ہے جبکہ میرے شوہر کو اس سے کوئی مسئلہ نہیں اور وہ سب کچھ جانتے ہیں۔

انہوں نے بتایا کہ شوہر نے مجھے اپنے گھر پر دوست کو بلانے یا اُس کے گھر جانے کی اجازت دی ہوئی ہے جبکہ سابق بوائے فرینڈ سے ابھی تک دوستی ہے اور ہمارے درمیان کوئی جھگڑا نہیں ، اگر کہیں ملاقات ہو تو بات چیت ہوتی ہے۔

واضح رہے کہ مریم نفیس نے سال 2022 میں امان احمد نامی شخص سے شادی کی تھی، اداکارہ اکثر سوشل میڈیا پر اپنے شوہر کے ہمراہ تصاویر اور ویڈیوز شیئر کرتی ہیں۔