سلمان خان نے قتل کی دھمکیوں کے باوجود فلم سکندر کی شوٹنگ شروع کردی

ممبئی : بالی ووڈ اداکار سلمان خان نے آنیوالی فلم 'سکندر'کی شوٹنگ شیڈول کے مطابق شروع کر دی ہے حالانکہ انہیں گینگسٹر لارنس بشنوئی کی جانب سے موت کی دھمکیاں موصول ہوئی تھیں۔

بھارتی میڈیا کے مطابق سلمان خان نے 22اکتوبر کو بغیر کسی تاخیر کے پنی فلم کی شوٹنگ کا آغاز کیا اور ان کے قریبی ذرائع نے تصدیق کی کہ اداکار اپنی پیشہ ورانہ مصروفیات کو پورا کرنے کیلئے مکمل پرعزم ہیں،سلمان خان کی سیکورٹی سخت کردی گئی ہے تاکہ ان کی حفاظت کو یقینی بنایا جا سکے۔

ایک ذرائع نے بتایا سلمان اپنے پراجیکٹس کیلئے مکمل طور پر پرعزم ہیں۔ انہوں نے بگ باس 18کی شوٹنگ سخت سیکورٹی میں کی اور اب وہ سکندرکی شوٹنگ بھی بغیر کسی رکاوٹ کے کر رہے ہیں۔

یہ بھی کہا گیا کہ سلمان خان اگلے ہفتے تک شوٹنگ جاری رکھیں گے، تاکہ دیوالی تک شوٹنگ مکمل کی جا سکے۔سکندرکی ہدایتکاری اے آر مروگادوس کر رہے ہیں اور پروڈکشن ساجد ناڈیاڈ والا کے بینر تلے ہو رہی ہے۔

یہ فلم 2025ء کی سب سے متوقع فلموں میں شامل ہے جس میں راشمیکا مندنا، سنیل شیٹی اور کاجل اگروال بھی اہم کردار ادا کر رہے ہیں، فلم 30مارچ 2025ء کو عید کے موقع پر ریلیز ہوگی۔

حال ہی میں سلمان خان نے اپنی حفاظت کے لیے ایک نئی نسان پیٹرول ایس یو وی دبئی سے درآمد کی ہے جس کی قیمت تقریبا 2,40,000ڈالر ہے، یہ گاڑی بلٹ پروف آرمز اور جدید حفاظتی خصوصیات سے لیس ہے۔