والد شوبز میں آنے کی وجہ سے آج تک بات نہیں کرتے، اداکارہ امر خان

پاکستانی اداکارہ امر خان نے انکشاف کیا ہے کہ والد کو شوبز انڈسٹری پسند نہیں تھی اسلیے اُن کی والد سے آج تک بات نہیں ہوئی۔

اپنے ایک انٹرویو میں امر خان نے انکشاف کیا کہ والد صاحب کو شوبز انڈسٹری اور اس میں میرا آنا پسند نہیں ہے اس لیے جب سے وہ وابستہ ہوئیں تو والد سے بات چیت بند ہے اور آج تک کوئی رابطہ نہیں ہوا۔

انہوں نے بتایا کہ شوبز انڈسٹری میں جانے سے پہلے والد نے روکنے کی کوشش کی اور ایک خط ای میل کی صورت میں لکھا کہ ‘شوبز میں جانا خاندان کیلیے باعث شرمندگی ہوگا‘۔

امر نے بتایا کہ انہوں نے اپنے والد کو جواب دیا کہ ’میں کبھی اپنی والدہ اور والد کے خاندان کو شرمندہ نہیں کریں گی‘۔

اداکارہ نے کہا کہ والدہ نے بہت کوشش کی کہ والد کے ساتھ اداکارہ کے تعلقات بہتر ہوجائیں لیکن وہ اپنے والد کیلئے دل میں محبت اور گرم جوشی پیدا نہ کرسکیں۔