کراچی سمیت سندھ بھر میں چکن گونیا، ملیریا اور ڈینگی کے کیسز میں بے تحاشہ اضافہ

کراچی اور سندھ کے دیگر علاقے ڈینگی، چکن گونیا اور ملیریا سمیت مچھروں سے پھیلنے والی بیماریوں کی لپیٹ میں ہے۔

حالیہ بارشوں کے بعد پانی کی نکاسی اور دھوئیں کے لیے ناکافی حکومتی اقدامات کا حوالہ دیتے ہوئے کیسز میں خطرناک حد تک اضافے پر طبی ماہرین نے خطرے کی گھنٹی بجادی ہے۔

ڈاکٹروں کے مطابق کراچی میں ڈینگی اور چکن گونیا کے کیسز آسمان کو چھو رہے ہیں جب کہ ملیریا سندھ کے دیہی علاقوں میں زیادہ ہے۔ بڑے اسپتالوں کے ایمرجنسی روم شدید بخار، جوڑوں میں درد، اور پلیٹلیٹس کی کم تعداد، خاص طور پر ڈینگی کے معاملات میں شدید علامات میں مبتلا مریضوں سے بھرے پڑے ہیں۔

مچھروں سے پھیلنے والی بیماریوں میں اضافے کی وجہ نکاسی کے ناکارہ نظام، گھروں میں پانی کے کھلے ذخیرے اور جراثیم کش اسپرے کی کمی ہے۔

سرکاری اعداد و شمار سے پتہ چلتا ہے کہ 2023 کے مقابلے میں اس سال کے پہلے سات ماہ کے دوران ڈینگی کے کیسز میں 135 فیصد اضافہ ہوا، سندھ میں 1,167 کیسز رپورٹ ہوئے، جن میں صرف کراچی میں 1,022 شامل ہیں۔

 ملیریا کے کیسز کی تعداد 149,102 تک پہنچ گئی، کراچی میں 1,074 رپورٹ ہوئے۔

اب تک سندھ میں ڈینگی کے 1,167 کیسز رپورٹ ہوئے ہیں جن میں سے 1,022 صرف کراچی میں ہیں۔

 اسی طرح ملیریا کے کیسز 149,102 تک پہنچ گئے ہیں، کراچی میں 1,074 رپورٹ ہوئے ہیں۔ میٹروپولیٹن سٹی کے ڈسٹرکٹ ایسٹ میں ڈینگی کے سب سے زیادہ 329 کیسز رپورٹ ہوئے ہیں، جبکہ ملیریا کے سب سے زیادہ کیسز ڈسٹرکٹ ملیر میں 543 ہیں۔