کورونا ویکسین کے حوالے سے اہم خبر

برطانیہ کے طبی ماہرین نے کورونا وائرس کی تمام اقسام سے لڑنے والی نئی ویکسین تیار کرلیا ہے۔

تفصیلات کے مطابق یونیورسٹی آف کیمبرج ، آکسفورڈ اور کیلیفورنیا اِنسٹیٹیوٹ آف ٹیکنالوجی نے مشترکہ تحقیق کے بعد کورونا سے لڑنے والی نئی ویکسین تیار کی جس کی چوہوں پر آزمائش کی گئی ہے۔

مطالعے کے سربراہ پروفیسر روری ہلز کا کہنا ہے کہ یہ تجربہ سائنس دانوں کے عالمی وبا کے پھیلنے سے قبل ویکسین بننے کے مقصد کی جانب ایک قدم ہے۔

انہوں نے بتایا کہ یہ دوا نہیں بلکہ انجکشن ہے جو کورنا کے متعدد پروٹیز کے خلاف مدافعتی نظام کو مضبوط و بہتر بناتا ہے۔ ماہرین کے مطابق یہ ویکسین نئے ویریئنٹ سے بھی حفاظت کرنے کی صلاحیت رکھتی ہے۔