ملک کے 8 شہروں میں پولیو وائرس کی تصدیق

اسلام آباد: ذرائع وزارت صحت کا کہنا ہے کہ پاکستان  کے 8 شہروں سے ماحولیاتی نمونوں میں پولیو وائرس کی تصدیق ہوئی ہے۔

ذرائع کا کہنا ہے کہ سیوریج میں وائلڈ پولیو وائرس ون، وائی بی اے تھری کلسٹر پایا گیا۔ملک بھر کے 8شہروں کے 12سیوریج سیمپلز میں پولیو وائرس کی تصدیق ہوئی ہے،

ذرائع کے مطابق کراچی، کوئٹہ، اوستہ محمد، سبی کے سیوریج میں پولیو وائرس پایا گیا جبکہ پشاور، مستونگ، نصیر آباد، کوہاٹ کے سیوریج میں بھی پولیو پازیٹو نکلا۔

پاکستان کے 8شہروں سے پولیو ٹیسٹ کیلئے سیمپلنگ 14 تا 19 مارچ ہوئی تھی، رواں برس 31 اضلاع کے 93 سیمپلزپولیو پازیٹو ہو چکے ہیں۔

اس کے علاوہ اوستہ محمد کے سیوریج میں پہلی بار پولیو وائرس پایا گیا، اوستہ محمد کی سیوریج کے پولیو وائرس کا جینیاتی تعلق کوئٹہ سے ہے، رواں برس کوئٹہ کے 12 سیوریج سیمپلز پولیو پازیٹو نکلے ہیں۔

کراچی ایسٹ، ساؤتھ، کورنگی کیسیوریج میں پولیو پایا گیا، رواں برس کراچی ایسٹ کے13ساؤتھ کے6سیمپلز پازیٹو نکلے، کراچی کے سیوریج کا پولیو وائرس جینیاتی طور پر لوکل ہے۔