پاکستان میں منکی پاکس کے تین کیسز رپورٹ، تینوں مشتبہ افراد کا تعلق ایک صوبے سے

محکمہ صحت نے ملک میں منکی پاکس کے تین مشتبہ کیسز رپورٹ ہونے کی تصدیق کی ہے۔

وفاقی وزارت صحت کے مطابق خلیج ممالک سے آنے والے خیبرپختونخوا کے شہری کو معمولی علامات بخار اور جسم میں دانے ظاہر ہوئے تھے جس کے بعد اُس کے نمونے لے کر لیبارٹری بھیج دیے ہیں جبکہ متاثرہ شہری کو گھر میں ہی قرنطینہ کردیا ہے۔

اُدھر خیبرپختونخوا کی صوبائی وزارت صحت کا کہنا ہے کہ منکی پاکس کی علامات والے تین مشتبہ کیسز سامنے آئے ہیں جن میں ایک کیس وفاقی وزارت والا بھی شامل ہے۔

اعلامیے کے مطابق سعودی عرب سے آنے والے ایک شہری کو منکی پاکس کی علامات ظاہر ہوئیں تھیں، مریض کا تعلق مردان سے ہے۔ وہ پشاور سے اپنے گھر اور پھر دوسرے ضلع چلا گیا ہے۔

اس کے علاوہ دو مزید کیسز بھی سامنے آئے اور متاثرہ افراد کو گھروں میں قرنطینہ کرنے کی ہدایت کردی ہے۔