عدالت نے ساحل عدیم کو اشتہاری قرار دے دیا

کراچی میں جوڈیشل مجسٹریٹ جنوبی کی عدالت میں ساحل عدیم کے سندھی قوم کے خلاف نازیبا الفاظ استعمال کرنے سے متعلق کیس کی سماعت ہوئی۔

 ایڈوکیٹ عبدالفتح چانڈیو نے عدالت کو بتایا کہ ملزم ساحل عدیم ناقابل ضمانت وارنٹ گرفتاری جاری ہونے کے باوجود عدالت میں پیش نہیں ہوئے۔

 ملزم اب جہاں بھی دکھائی دے انہیں گرفتار کرنے کا حکم صادر کیا جائے۔ تفتیشی افسر نے اس حوالے سے بتایا کہ ملزم کو ٹریس نہیں کرپارہے۔ ایسا کوئی امکان نہیں کے ملزم کو مستقبل میں گرفتار کیا جا سکتا ہے۔

تفتیشی افسر کی رپورٹ کی روشنی میں عدالت نے ملزم ساحل عدیم کو اشتہاری قرار دے دیا۔ ملزم کے خلاف تھانہ سٹی کورٹ میں مقدمہ درج کیا گیا تھا۔ مقدمہ ایڈوکیٹ عبد الفتح چانڈیو کی مدعیت میں درج ہے۔