لیڈی ڈیانا کا لباس 31 کروڑ روپے سے زائد میں فروخت

آنجہانی شہزادی ڈیانا کا زیر استعمال لباس 31 کروڑ روپے سے زائد میں فروخت ہوگیا۔

لیڈی ڈیانا کا پہنا ہوا سیاہ اور نیلے رنگ کا بیلرینا لمبا شام کا لباس $1.1 ملین میں فروخت ہوا۔

جس کے بعد اس گاؤن کو سب سے زیادہ قیمت پر فروخت ہونے کا اعزاز بھی حاصل ہوگیا۔

جیک ایزاگوری کی طرف سے ڈیزائن کردہ لباس، پہلی بار ڈیانا نے 1985 میں فلورنس میں اور بعد میں 1986 میں وینکوور کے دورے کے دوران پہنا تھا۔

نیلامی کے لیے اس لباس کو ہالی ووڈ لیجنڈز نے پیش کیا اور توقع کی جارہی تھی کہ زیادہ سے زیادہ دو لاکھ ڈالرز میں یہ لباس فروخت ہوجائے گا مگر توقع سے زیادہ قیمت پر یہ فروخت ہوگا۔