طاقتور ترین خواتین کی فہرست میں پاکستانی خاتون بھی شامل

 واشنگٹن: یونی لیور پاکستان کی سابق سی ای او شازیہ سید بھی فوربس کی مشرق وسطیٰ کی 100 طاقتور ترین کاروباری خواتین میں شامل ہیں۔

غیر ملکی ذرائع ابلاغ کے مطابق پاکستانی خاتون شازیہ سید اس سے قبل 2023 میں مشرق وسطیٰ میں اعلیٰ ترین ایگزیکٹوز میں سے ایک تھیں اور اس وقت شمالی افریقا، عراق اور سعودی عرب میں یونی لیور کے آپریشنز کی جنرل منیجر ہیں۔

پاکستان کے شہر ایبٹ آباد سے تعلق رکھنے والی شازیہ سید نے یونی لیور پاکستان میں مینجمنٹ ٹرینی کے طور پر اپنے پیشہ ورانہ سفر کا آغاز کیا تھا، فوربس نے دوسری بار شازیہ سید کو 100 طاقتور ترین کاروباری خواتین کی فہرست میں شامل کیا ہے۔ 

شازیہ سید نے سماجی رابطے کی ویب سائٹ پر لکھا کہ وہ فوربس کی بااثر خواتین کی فہرست میں شامل کیے جانے بہت خوش اور پُرجوش ہیں۔ پیشہ ورانہ قیادت کا سفر اپنی اقدار کو نبھاتے ہوئے دلیری سے آگے بڑھانے کی ایک شاندار کامیابی ہے۔

پاکستان کے شہر ایبٹ آباد سے تعلق رکھنے والی شازیہ سید نے تیزی سے ترقی کی سیڑھیاں چھڑھتے ہوئے یونی لیور کمپنی کے عالمی سطح پر مارکیٹنگ، سیلز اور جنرل مینجمنٹ کے شعبوں کی سربراہی کی۔

علاوہ ازیں پاکستان کے شہر ایبٹ آباد سے تعلق رکھنے والی شازیہ سید نے پاکستان اور دیگر ممالک میں کاروبار کی متحرک دنیا میں خواتین کو بااختیار بنانے اور ترقی کے لیے نمایاں امور انجام دیئے۔