ندا یاسر کی ناقدین کو حج ادا کرنے کی دعا

پاکستانی اداکارہ اور مارننگ شو کی میزبان ندا یاسر اور ان کے شوہر یاسر نواز کو مناسک حج کی تصاویر اور ویڈیوز شیئر کرنے پر سوشل میڈیا پر تنقید کا سامنا کرنا پڑا ہے۔

تاہم اب جوڑے نے یاسر نواز کے یوٹیوب چینل پر ایک ویلاگ میں ناقدین کو جواب دیا ہے۔

مارننگ شو کے سیٹ پر ریکارڈ کیے گئے ایک بلاگ میں، ندا یاسر نے ناقدین کی رہنمائی کے لیے دعا کرتے ہوئے کہا کہ "اللہ آپ کو ہدایت دے" ۔

انہو ں نے کہا کہ "میں دعا کرتی ہوں کہ اللہ تنقید  کرنے والوں کو ہدایت دے، کہ وہ تصویروں سے کچھ سیکھیں اور اپنا ضروری کام چھوڑ کر یہ ضروری کام حج ادا  کریں‘‘۔

یاسر نواز نے بھی تنقید کا جواب دیتے ہوئے کہا کہ ہمیں اس سے کوئی فرق نہیں پڑتا کہ ہمارے بارے میں کوئی کیا کہتا ہے، یہ ہم جانتے ہیں یا ہمارا اللہ جانتا ہے، ہم نے جو عبادت کی، ہم نے جو نیکیاں کیں، اس سے کوئی فرق نہیں پڑتا، یہ ہمارا اور اللہ کا معاملہ ہے‘‘۔

وی لاگ میں انہوں نے  سفر حج کو یادگار بنانے کیلیے اتاری گئی تصاویر اور ویڈیوز بھی بنائیں۔

Buray Comments Walo Ko Allah Hidayat De | Yasir Nawaz | Nida Yasir | Danish Nawaz | Vlog