نیوزی لینڈ کی سابق وزیراعظم نے اپنے دوست سے شادی کرلی

نیوزی لیںڈ کی سابق وزیراعظم جیسنڈا آرڈرن اپنے دیرینہ دوست کے ساتھ ازدواجی بندھن میں بندھ گئیں۔

بین الاقوامی میڈیا رپورٹ کے مطابق 43 سالہ جیسنڈا آرڈرن نے اپنے پارٹنر کلارک گیفورڈ کے ساتھ شادی کی، جس کی تقریب میں قریبی رشتے داروں اور دوست شریک ہوئے۔

نیوزی لینڈ کی سابق وزیر اعظم کی شادی کی تصاویر سوشل میڈیا پر بھی وائرل ہوگئیں۔

واضح رہے کہ جیسنڈا کی اپنے دوست کلارک کے ساتھ شادی سال 2022 میں ہونا تھی تاہم انہوں نے عالمی وبا کورونا کے باعث اسے ملتوی کردیا تھا۔