پاکستان کی 80 فیصد لڑکیوں کے ساس سے بہت اچھے تعلقات ہیں، سروے

ایک حالیہ سروے سے پتا چلا ہے کہ 69 فیصد پاکستانی بہوئیں اپنی ساس سے خوش ہیں اور اپنے تعلقات کو "مضبوط" قرار دیتی ہیں۔

گیلپ پاکستان کی جانب سے کیے گئے اس سروے میں ملک میں ساس اور بہو کے رشتوں کی حرکیات کے بارے میں دلچسپ معلومات سامنے آئیں۔

سروے کے مطابق 11 فیصد خواتین نے اپنی ساس کے ساتھ کمزور تعلقات کی اطلاع دی جبکہ سروے میں 14 فیصد جواب دہندگان غیر جانبدار رہے، ان کا کہنا تھا کہ یہ رشتہ نہ تو مضبوط تھا اور نہ ہی کمزور۔

سروے نے جوابات میں آبادیاتی تغیرات کو بھی اجاگر کیا۔ دیہی خواتین اور جن کی عمر 30 سال سے کم تھی ان کی ساس کے ساتھ مضبوط تعلقات کی اطلاع دینے کا امکان زیادہ تھا۔

سروے کے مطابق 72 فیصد دیہی بہوؤں اور 64 فیصد شہری جواب دہندگان نے رشتہ کو مضبوط قرار دیا۔ سروے میں 30 سال سے کم عمر کی 80 فیصد بہوؤں نے اپنی ساس کے ساتھ مثالی تعلقات کی اطلاع دی، جب کہ 50 سال سے زیادہ عمر والوں میں سے 50 فیصد نے کمزور تعلقات کی اطلاع دی۔

مزید برآں، مجموعی طور پر 52 فیصد پاکستانیوں کا خیال تھا کہ ملک میں ساس بہو کا رشتہ مضبوط ہے، جب کہ 27 فیصد نے اسے کمزور سمجھا، اور 19 فیصد نے رائے کا اظہار کرنا مشکل محسوس کیا۔