پاکستانی شوبز انڈسٹری میں منشیات کے استعمال کے حوالے سے اداکارہ کا خوفناک انکشاف

اداکارہ اریج چوہدری نے احمد علی بٹ کے پوڈ کاسٹ میں شرکت کے دوران انڈسٹری پارٹیوں میں منشیات کے بڑھتے ہوئے استعمال کے بارے میں اپنے خدشات کا اظہار کیا۔

انہوں نے انکشاف کیا کہ شوبز انڈسٹری میں منشیات کا کلچر کافی عام ہوگیا ہے اور تمام ہی اداکار خود کو فٹ رکھنے کی غلط فہمی کے ساتھ اس کا استعمال کررہے ہیں۔

اپنے تجربات پر بات کرتے ہوئے انہوں نے کہا کہ میں نے خود ایسی پارٹیوں میں شرکت کی جہاں منشیات کا بہت زیادہ استعمال ہوا، مگر چونکہ میں نے حصہ نہیں لیا تو مجھے لوگوں کی ناپسندیدگی کا سامنا رہا۔

انہوں نے کہا کہ ایسی پارٹیز میں ،میں دباؤ محسوس کرتی ہوں کیونکہ لوگوں نے یہ واضح کر دیا تھا کہ جو لوگ منشیات کے استعمال سے پرہیز کرتے ہیں وہ ناپسندیدہ ہیں‘‘۔