رات میں ملاقاتیں، متھیرا کا خلیل الرحمن قمر کو خاص مشورہ

کراچی: اسکرپٹ رائٹر خلیل الرحمان قمر کو پاکستان کی نامور ماڈل اور پروگرام ہوسٹ متھیرا نے رات کی ملاقاتیں نہ کرنے کا مشورہ دے دیا۔

متھیرا سے ایک تازہ انٹرویو میں سوال کیا گیا کہ کیا وہ کسی پروجیکٹ کیلئے صبح چار بجے کسی سے ملاقات کیلئے باہر نکل سکتی ہیں۔

ماڈل نے اس موقع پر دلچسپ انداز اپناتے ہوئے کاہ کہ وہ کسی کے باپ کیلئے بھی رات 12 کے بعد باہر نہیں جائیں گی۔

متھیرا کا کہنا تھا کہ چاہے جتنا بھی بڑا پروجیکٹ ہو وہ اس کیلئے صبح کا انتظار کریں گی۔متھیرا کا کہنا تھا کہ صبح کے چار بجے گرل فرینڈ کے گھر بھی نہیں جانا چاہئے اور یہ مناسب نہیں ہے۔

انہوں نے کہا کہ انہیں خلیل الرحمان قمر بطور فنکار پسند ہیں اور ان کے ساتھ جو غلط ہوا اس پر انہیں برا بھی لگا ہے۔