صبا قمر کے دلہا کا نام شانو ہے؟

پاکستان کی معروف خوبرو اداکارہ صبا قمر نے عید کی خوشی میں ہاتھوں پر مہندی لگوا کر اُس پر شانو کا نام لکھوایا۔

اپنے ہاتھوں پر لگی مہندی کی تصاویر شیئر کرتے ہوئے اداکارہ نے واضح طور پر لفظ شانو کو فوکس کر کے تصویر شیئر کی جس کے بعد مداحوں نے سوالات کی بوچھاڑ کردی۔

تصاویر سامنے آنے کے بعد مداح پُرتجسس ہوئے کہا آخر شانو کون ہے اور اس حوالے سے چہ مگوئیاں بھی شروع ہوگئیں۔

کچھ صارفین کا ماننا ہے کہ شانو اداکارہ کے ہونے والے دلہا کا نام ہے کیونکہ انہوں نے گزشتہ برس ایک کیک کی ویڈیو پر بھی ’شانو کی پری‘ لکھوایا تھا۔

اپنی سالگرہ کے بعد اداکارہ نے انسٹاگرام پر گلدستہ ہاتھ میں تھامے ایک شخص کی جانب دیکھتے ہوئے اُس سے محبت کا اظہار بھی کیا تھا۔

ان سارے اشاروں کے بعد مداحوں کا خیال ہے کہ اداکارہ صبا قمر جلد کسی شخص جسے وہ پیار میں شانو کہتی ہے اُس سے شادی کرنے کا ارادہ رکھتی ہے اور دونوں کے معاملات طے بھی ہوچکے ہیں۔