شادی کر کے بہت خوش ہوں اور میری زندگی بدل گئی، فیروز خان

معروف پاکستانی اداکار فیروز خان نے حال ہی میں کراچی میں ایک فلم پریمیئر میں ریڈ کارپٹ پر واک کی، جہاں انہوں نے ڈاکٹر زینب سے اپنی دوسری شادی کے بارے میں کھل کر بات کی۔

جب فیروز خان سے دوسری شادی سے متعلق سوال کیا گیا تو انہوں نے اس کو زندگی کا سب سے خوبصورت راز قرار دیا اور کہا کہ سب کو دوسری شادی کرنی چاہیے کیونکہ میرے لیے  تو یہ مثبت تجربہ ہے، جس سے میری زندگی بدل گئی ہے۔

انہوں نے کہا کہ میں اپنی زندگی میں ایک نئے آغاز پر بہت خوش اور اچھا محسوس کررہا ہوں، شادی ایک اچھی چیز ہے اس لیے سب کو بخوشی تجربہ کرنا چاہیے  اور محبت کا اظہار بھی کرنا چاہیے۔

اداکار نے مسکراتے ہوئے دعا دی کہ"میں دعا کرتا ہوں کہ سب کی شادی ہو جائے‘‘۔

واضح رہے کہ فیروز خان نے یکم جون کو اپنے انسٹاگرام اکاؤنٹ پر دوسری شادی کا اعلان کرتے ہوئے اپنے مداحوں کو حیران کردیا تھا۔

فیروز کی دوسری بیوی کا نام ڈاکٹر زینب ہے اور وہ پیشے کے اعتبار سے ماہر نفسیات ہیں۔ اس سے قبل ان کی شادی علیزے سلطان سے ہوئی تھی، جن سے ان کے دو بچے ہیں، ایک لڑکا اور ایک لڑکی ہے۔

ستمبر 2022 میں، علیزے نے جسمانی تشدد کے سنگین الزامات کے ساتھ فیروز سے علیحدگی کی تصدیق کی تھی۔