شاہد آفریدی کی بیٹی ٹی وی شو کے دوران سامنے آگئی

قومی کرکٹ ٹیم کے سابق کپتان شاہد خان آفریدی کی سب سے چھوٹی بیٹی عروہ آفریدی لائیو پروگرام کے دوران اچانک بابا کے پاس پہنچ گئی۔

نجی ٹی وی شو میں پی ایس ایل کے حوالے سے جاری پروگرام کے دوران آفریدی کی بیٹی آئی اور بابا کو بتایا کہ میں نے پڑھ لیا ہے، اب آئسکریم کھانی ہے۔

شاہد آفریدی نے بیٹی کو پیار کر کے اپنے پاس کھڑا کیا اور اُس کی فرمائش کے بارے میں سب کو بتایا کہ اب عروہ نے پڑھ لیا ہے اور وہ آئسکریم مانگ رہی ہے۔

اس پر آفریدی نے اُسے سمجھایا کہ تھوڑی دیر میں کھاتے ہیں جس پر عروہ نے کہا کہ سورج ڈھل جائے گا تو پھر کھاؤں گی۔ پھر اسٹوڈیو میں بیٹھے مشتاق احمد نے عروہ سے فرمائش کی کہ آپ بعد میں کھا لینا اور ہمیں ابھی منگوا دو۔