صنم ماروی کا ایک کنسرٹ کا معاوضہ کتنا؟ حیران کُن انکشاف کردیا

ملک کی معروف لوک گلوکارہ صنم ماروی نے اپنے ایک کانسرٹ کے معاوضے سے متعلق انکشاف کرکے مداحوں کو حیران کردیا۔

حال ہی میں ایک نجی ٹی وی کے پروگرام میں صنم ماروی شریک ہوئیں جہاں انہوں نے اپنے کیرئیر کے اتار چڑھا سمیت زندگی کے مختلف موضوعات پر کھل کر بات کی۔

اداکارہ نے انکشاف کیا کہ وہ ایک اپنے ایک کانسرٹ کا معاوضہ 25 لاکھ روپے وصول کرتی ہیں۔

انہوں نے بتایا کہ مجبوری میں اس فیلڈ کا انتخاب کیا، بہن بھائیوں کی کفالت کی وجہ سے کم عمری سے ہی کام کرنا شروع کر دیا تھا، جب میں 4 سال کی تھی اس وقت میرا خاندان حیدرآباد منتقل ہوگیا تھا۔

انہوں نے بتایا کہ میرا پہلا معاوضہ 27 ہزار روپے تھا، یہ اس وقت کے لحاظ سے ایک بہت بڑی رقم ہوا کرتی تھی، گھر میں اس وقت کوئی سامان تک موجود نہیں تھا، پہلا معاوضہ آتے ہی میں نے اپنی والدہ کیلئے گھر کاسامان مثلا فریج، ٹی وی اور بیڈ خریدا تھا۔

معروف گلوکارہ کا کہنا تھا کہ اب کانسرٹ سمیت شادی کے فنکشن کے پروگرام کرتی ہوں، میرے معاوضے کی رقم اتنی ہے کہ اس میں میں ایک نئی آلٹو کار خرید سکتے ہیں، یوں کہیں کہ میں ایک کانسرٹ کا معاوضہ 25 لاکھ روپے تک لیتی ہوں۔