9 مئی جلاؤ گھیراؤ مقدمات کا فیصلہ سنادیا گیا، پی ٹی آئی کے اہم رہنماؤں کو قید

لاہور کی انسدادِ دہشت گردی کی خصوصی عدالت نے  9 مئی 2023 کے جلاؤ گھیراؤ کے احتجاجی واقعات میں تھانہ شادمان اور راحت بیکری کے قریب پولیس گاڑیوں کو جلانے اور جلاؤ گھیراؤ سمیت دیگر الزامات کے تحت درج دو مقدمات کا فیصلہ سنا دیا۔

عدالت نے ہفتے کے روز مقدمات کا ٹرائل مکمل ہونے کے بعد فیصلہ محفوظ کیا تھا. عدالت نے فیصلہ سناتے ہوئے تحریک انصاف کے رہنماؤں ڈاکٹر یاسمین راشد اور سابق سینیٹر اعجاز چوہدری ، سابق گورنر عمر چیمہ کو دس دس سال قید کی سزا جبکہ صنم جاوید اور عالیہ حمزہ کو پانچ پانچ سال قید کی سزا کا حکم دے دیا۔

عدالت نے بانی پی ٹی آئی کے گارڈ حافظ ارشد کوبھی دس سال قید کی سزا سنائی ہے ۔جبکہ تحریک انصاف کے رہنما شاہ محمود قریشی کو دونوں مقدمات میں عدم ثبوتوں کی بناء پر بری کردیا گیا۔

عدالت نے مقدمے میں نامزد پانچ کمسن ملزمان کو  بھی بری کردیا کم سن ملزمان میں فیضان جاوید ،شاہد بیگ ،اویس سرادر اور طیب کو بری کیا گیا۔

لاہور کی انسداد دہشت گردی عدالت کے جج منظر علی گل نے تھانہ شادمان جلاؤ گھیراؤ اور راحت بیکری کے باہر جلاؤ گھیراؤ کے مقدمات کا جیل ٹرائل کیا مقدمے میں نامزد ملزمان کے وکلا نے دلائل دئے جبکہ پراسکیوشن نے گواہان اور ثبوتوں کو عدالت میں پیش کیا اور ملزمان کی سزا درخواست کی۔

تھانہ شادمان اور راحت بیکری جلاؤ گھیراؤ مقدمے میں عدالت سے سزا پانے والے ملزمان میں ڈاکٹر یاسمین راشد دس سال ،عمر سرفراز چیمہ دس سال ،اعجاز چوہدری دس سال،میاں محمود الرشید دس سال ،عالیہ حمزہ پانچ سال ،صنم جاوید پانچ سال محمد فہیم دس سال،نیاز احمد دس سال علی حسن دس سال ،زین علی دس سال،منفر احمد دس سال,اسد علی دس سال ،بلال وجاہت دس سال شامل ہیں۔

عدالت ہے تھانہ شادمان جلاؤ گھیراؤ کیس میں 25 ملزمان میں سے 12 کو بری کر دیا جبکہ 13 ملزمان کو سزائیں سنائیں. بری ہونے والے ملزمان میں تحریک انصاف کے سینئر رہنما شاہ محمود قریشی ، محمد اویس،محمد فیضان ،طیب سلطان، شاہد بیگ،سہیل خان، رفیع الدین ،فرید خان ، سلمان احمد ،عبد القادر ، ماجد علی، بخت رواں شامل ہیں،

 انسدادِ دہشت گردی عدالت کے جج منظر علی گل  نے سوموار کو لاہور کی سینٹرل جیل کوٹ لکھپت میں مقدمہ نمبر 103/23 اور مقدمہ نمبر 768/23 کا فیصلہ سنایا۔ یہ دونوں مقامات پولیس تھانہ سرور روڈ اور پولیس تھانہ شادمان میں درج کئے گئے تھے ۔تھانہ شادمان نذر آتش کیس میں 19 ملزمان کا ٹرائل مکمل کیا گیا۔

ملزموں میں شاہ محمود قریشی، یاسمین راشد، عمر سرفراز چیمہ، اعجاز چودھری، میاں محمود الرشید، صنم جاوید اور عالیہ حمزہ شامل ہیں۔

تھانہ شادمان نذر آتش کیس میں کل 41 ملزم نامزد ہیں جبکہ 15 ملزم اشتہاری قرار دیئے جا چکے ہیں، تھانہ شادمان نذر آتش کیس میں 6 ملزمان زیر حراست جبکہ ایک ملزم وفات پا چکا ہے، ملزمان کے خلاف دہشت گردی سمیت دیگر دفعات کے تحت مقدمہ درج ہے جبکہ کینٹ کے علاقے میں واقع راحت بیکری کے باہر  پولیس گاڑیاں جلانے کے مقدمے  کےملزمان میں شاہ محمود قریشی، یاسمین راشد ، عمر سرفراز چیمہ، اعجاز چودھری، میاں محمودالرشید، عالیہ حمزہ اور صنم جاوید بھی شامل ہیں۔

گاڑیاں جلانے کے مقدمے میں کل 25 ملزم نامزد ہیں جبکہ 7 ملزم اشتہاری قرار دیئے جا چکے ہیں، راحت بیکری کے باہر گاڑیاں جلانے کے مقدمے میں 12 ملزموں کا ٹرائل مکمل کیا گیا، مقدمے میں 5 ملزم زیر حراست  ملزموں کے خلاف دہشت گردی سمیت دیگر دفعات کے تحت مقدمہ درج ہے۔

لاہور میں ابتک نو مئی کے تین مقدمات کا فیصلہ سنایا جاچکا ہے ، انسداد دہشت گردی کی دو  خصوصی عدالتوں کی طرف تین مقدمات میں 31 ملزمان کو سزائیں سنائی گئیں نو مئی کے تین مقدمات میں ابتک 26 ملزمان کو بری کیا جاچکا ہے شاہ محمود قریشی نو مئی کے تین مقدمات میں بری ہوچکے ہیں شاہ محمود قریشی کے خلاف نو مئی کے لاہور میں تاحال گیارہ مقدمات زیر سماعت ہے،